ዚበለጸ ሞያዊ ክእለትን ዝያዳ ትምህርትን፡ ኣብ ሞያኹምን ህይወትኩምን ዕዉታት ንኽትኮኑ ኪሕግዘኩም ይኽእል። ኣብቲ ዘለኹምዎ ኣብ እትርከብ ኮሌጅ ኮም ወይ ተክኒክ ብምምሃር ዚበለጸ መጻኢ ኽትሃንጹ ጀምሩ።
ጐደናታት ሞያን ትምህርትን
ናብ ሞያ ወይ ትምህርቲ ዚወስድ ጐደና ሒዝካ ምኻድ፡ ዝያዳ ትምህርቲ ብምርካብ ናብ ዚበለጸ ስራሕ ኽትሰጋገሩ ትኽእሉ ማለት እዩ። ኣብዚ ጐደና’ዚ እትወስድዎ ነፍስወከፍ ስጕምቲ፡ ናብ ዚቕጽል ደረጃ ስራሕን ኽፍሊትን (ደሞዝን) ንኽትሰጋገሩ ይሕግዝ።
ልዑል ደረጃታት ትምህርቲ ንኽትረኽቡ ድማ ዝተዳለኹም ኽትኮኑ ትኽእሉ።
ንኣብነት፥ ነርስ ኽትኮኑ እንተደሊኹም፡ ፈለማ ምስክር ወረቐት ‘ዝተመስከረሉ ተሓጋጋዚ ነርስ’ (CNA (Certified Nursing Assistant)) ኽትረኽቡ ኽትክእሉ ኣለኩም። ቕሩብ ግዜ ምስ ሰራሕኩም፡ መሊስኩም ናብ ትምህርቲ ተመሊስኩም፡ ዲግሪ ‘ዝተፈቕደሉ ነርስ’ (LPN (Licensed Practical Nurse)) ኽትረኽቡ ትኽእሉ። ድሕሪ’ዚ ድማ ዲግሪ ‘ሕጋዊ ነርስ’ (RN (Registered Nurse)) ኽትረኽቡ ትኽእሉ። ኣብ መንጐ’ዚ ድማ ናይ ዩኒቨርሲቲ ደረጃ ዘለዎ ዲግሪ ነርስ ኽትረኽቡ ትደልዩ እንተዄንኩም ክትረኽቡ ትኽእሉ ኢኹም።
መነባብሮኻ ንምምሕያሽ ዚውሰድ ትምህርቲ
ቁጠባን ዓለምለኻዊ ቦታ ስራሕን ብቕልጡፍ ይቐያየር እዩ። ምስቲ ዚህሉ ለውጥታት ንኽኸዱ፡ እዞም ናይዚ ግዜ’ዚ ሰራሕተኛታት፡ ንምሉእ ናይ ስራሕ ግዜኦም ዚኸውን ሓድሽ ሞያዊ ክእለት ኽምሃሩ ይግባእ። እዚ ድማ ገለ ትምህርቲ ኮምፕዩተር ምውሳድ ወይ ድማ ናይ ዩኒቨርሲቲ ዲግሪ ምርካብ ኪከውን ይኽእል እዩ።
እኳ ድኣ እቶም ኣብ ኮሌጃት ኮምን ተክኒኪንን ዚምሃሩ ብዙሓት ዓበይቲ ሰባት፡ ናይ ዩኒቨርሲቲ ዲግርታት ድሮ ዝረኸቡ እዮም። ተማሃሮ’ዚኦም፡ ሓድሽ ሞያዊ ክእለት ንኸጥርዩ ድማ ኣብ ኮሌጃት ኮም ተመሊሶም ብምምጻእ ይስልጥኑ እዮም።
ዝያዳ ትምህርቲ ብምርካብ፡ ኽትረኽብዎ እትኽእሉ ተወሳኺ ኣታዊ ክንደይ እዩ
| ደረጃ ትምህርቲ |
ገምጋም ዓመታዊ ኽፍሊት |
| ምንጪ፥ U.S. Census Bureau, Educational Attainment in the United States: 2006, ሰሌዳ 8: Year Round Full-Time Workers. http://www.census.gov/population/www/socdemo/education/cps2006.html
|
| ትሕቲ ዲፕሎማ ካልኣይ ደረጃ ሕቡራት መንግስታት ኣመሪካ |
$ 22,326 |
| ዲፕሎማ ካልኣይ ደረጃ ወይ GED |
$ 31,209 |
| ኣሶሼይት ወይ ሞያዊ ዲግሪ/ሰርቲፊኬት |
$ 40,708 |
| ቀዳማይ ባችለር ዲግሪ |
$ 51,436 |
| ካልኣይ (ማስተርስ) ዲግሪ |
$ 64,540 |
| ዲግሪ ፍሉይ ክእለት ዘድልዮ ሞያ (ፕሮፈሽናል) |
$ 100,000 |
| ዶክትረይት ዲግሪ |
$ 85,774 |